USD
THB
EUR
AUD
VND
CAD
LAK
JPY
GBP
CNY
navigate_nextផលិតផល និងសេវាnavigate_nextឯកត្តជនnavigate_nextសេវាឥណទានnavigate_nextឥណទាននិស្សិត
ឥណទាននិស្សិត
បំណងប្រាថ្នាឱ្យកូនស្រីប្រុសជាទីស្រឡាញ់ទទួលបានចំណេះដឹងខ្ពង់ខ្ពស់ អនាគតត្រចះត្រចង់ លែងជាក្តីបារម្ភរបស់លោកអ្នកតទៅថ្ងៃមុខ...
ឥណទាននិស្សិត ផ្តល់ជូនឪពុក-ម្តាយ ឬអាណាព្យាបាលរបស់និស្សិត ដែលត្រូវការសាច់ប្រាក់សម្រាប់បង់ថ្លៃសិក្សាឱ្យកូន ឬអ្នកនៅក្នុងបន្ទុកអាណាព្យាបាលរបស់ខ្លួន បន្តការសិក្សាទៅគ្រឹះស្ថានសិក្សាបណ្តុះបណ្តាលបច្ចេកទេសវិជ្ជាជីវៈ (ដែលមានរយៈពេលចាប់ពី ៣ខែ ឡើងទៅ) ឬបន្តទៅគ្រឹះស្ថានឧត្តមសិក្សា នៅក្នុងនិងក្រៅប្រទេស ក្រោយពីនិស្សិតបានបញ្ចប់ការសិក្សានៅថ្នាក់វិទ្យាល័យ (Bac II) ។
ប្រភេទឥណទាន
ឥណទាននិស្សិត ផ្តល់ជូនពីរប្រភេទ ដូចខាងក្រោម ៖
- ប្រភេទបើកប្រាក់តែមួយលើក ៖ ជាប្រភេទឥណទានដែលផ្តល់ជូនតាមរបៀបបើកប្រាក់តែមួយលើក សម្រាប់បង់ថ្លៃសិក្សាដោយផ្អែកតាមវិក្កយបត្រ ឬលិខិតស្នាមដែលបញ្ជាក់អំពីតម្លៃសិក្សារបស់គ្រឹះស្ថានសិក្សា ។
- ប្រភេទបើកប្រាក់ច្រើនលើក ៖ ជាប្រភេទឥណទានដែលផ្តល់ជូនតាមរបៀបបើកប្រាក់ច្រើនលើកសម្រាប់បង់ថ្លៃសិក្សាដោយផ្អែកតាមវិក្កយបត្រ ឬលិខិតស្នាមដែលបញ្ជាក់អំពីតម្លៃសិក្សារបស់គ្រឹះស្ថានសិក្សាតាមឆមាស ឬឆ្នាំ ។
អត្ថប្រយោជន៍
- បំពេញកង្វះខាតសាច់ប្រាក់ក្នុងរយៈពេលសិក្សា ។
- ផ្ទេរពីការចំណាយដុល ទៅជាការបង្វិលប្រាក់សងធនាគារ មួយខែម្តងនិងចំណាយអស់ការប្រាក់តិច ។
- មានភាពកក់ក្តៅ និងហ្នឹងន៏ក្នុងអារម្មណ៍ចំពោះអនាគតសិក្សារបស់កូន ឬអ្នកស្ថិតនៅក្នុងបន្ទុកអាណាព្យាបាលរបស់ខ្លួន ។
ប្រភេទរូបិយប័ណ្ណ ទំហំឥណទាន រយៈពេលខ្ចី និងអត្រាការប្រាក់
- ផ្តល់ជូនជាប្រាក់ដុល្លារអាមេរិក ។
- ទំហំឥណទានអតិបរមា ១០០.០០០ដុល្លារអាមេរិក ប៉ុន្តែមិនត្រូវលើសពីតម្លៃសិក្សាសរុប (ទំហំឥណទានអតិបរមា ២.៥០០ដុល្លារអាមេរិក ចំពោះអតិថិជនជានិស្សិតដែលមានការងារស្ថិរភាពក្នុងវិស័យឯកជន សាធារណៈ ស្ថាប័នក្រៅរដ្ឋាភិបាលជាតិ និងអន្តរជាតិ ឬក្នុងគម្រោងណាមួយ ហើយមានតម្រូវការសិក្សាបន្ថែម) ។
- រយៈពេលខ្ចីអតិបរមា ត្រូវបានផ្តល់ជូនដោយផ្អែកតាមរយៈពេលសរុបនៃការសិក្សា បូកនឹងរយៈពេលមិនលើសពី ១២ខែបន្ថែម (ចំពោះវគ្គសិក្សាដែលមានរយៈពេលចាប់ពី ១២ខែ ឡើងទៅ) ។
- រយៈពេលខ្ចីអតិបរមា ត្រូវបានផ្តល់ជូនស្មើនឹង ២ដង នៃរយៈពេលសរុបនៃការសិក្សានោះ (ចំពោះវគ្គសិក្សាដែលមានរយៈពេលក្រោម ១២ខែ) ។
- អត្រាការប្រាក់ ចាប់ពី ៨% ដល់ ១៨% ក្នុងមួយឆ្នាំ
លក្ខខណ្ឌតម្រូវ
- មានទីលំនៅអចិន្ត្រៃយ៍ច្បាស់លាស់ ត្រឹមត្រូវ ដែលទទួលស្គាល់ដោយអាជ្ញាធរមូលដ្ឋាន ។
- ធានាផ្តល់ឯកសារដែលបញ្ជាក់អំពីការសិក្សា ពីគ្រឹះស្ថានសិក្សាបណ្តុះបណ្តាលបច្ចេកទេសវិជ្ជាជីវៈ ឬគ្រឹះស្ថានឧត្តមសិក្សា និងព្រឹត្តិប័ត្រពិន្ទុសិក្សាតាមការតម្រូវទាន់ពេលវេលា ។
- ឪពុក-ម្តាយ ឬអាណាព្យាបាលរបស់និស្សិត ត្រូវមានមុខរបរដែលមាននិរន្តរភាព មានប្រាក់ចំណេញ និងមានលំហូរសាច់ប្រាក់ទៀងទាត់ ឬមានចំណូលពីប្រាក់បៀវត្សរ៍ និងចំណូលផ្សេងៗ ។
- ផ្តល់ជូនមកយើងខ្ញុំនូវវិក្កយបត្រ ឬលិខិតស្នាមដែលបញ្ជាក់អំពីតម្លៃសិក្សារបស់គ្រឹះស្ថានសិក្សានៅពេលបើកប្រាក់កម្ចី ។
- មានទ្រព្យដាក់ធានាដែលមានតម្លៃគ្រប់គ្រាន់ និងមានឯកសារកម្មសិទ្ធិត្រឹមត្រូវ ។
contact_supportសម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។
