ផលិតផល និងសេវាឯកត្តជនសេវាឥណទានឥណទានរថយន្ត

ឥណទានរថយន្ត

ឥណទានរថយន្ត គឺជាប្រាក់កម្ចីដែលធនាគារអេស៊ីលីដា ផ្តល់ជូនសម្រាប់ឯកត្តជនដែលមានប្រាក់ចំណូលទៀងទាត់ ក្នុងគោលបំណងយកទៅទិញរថយន្តសម្រាប់ប្រើប្រាស់ក្នុងក្រុមគ្រួសារ ឬផ្ទាល់ខ្លួន ។

អត្ថប្រយោជន៍

ទទួលបានរថយន្តតាមបំណងប្រាថ្នា ដែលអាចសម្រួលដល់ការងារប្រចាំថ្ងៃ
ផ្ទេរការចំណាយដុលនៃថ្លៃទិញរថយន្ត ទៅជាការចំណាយប្រចាំខែ តាមរយៈការសងរំលោះមកធនាគារអេស៊ីលីដា
បង្កើនសុខមាលភាពប្រចាំថ្ងៃរបស់គ្រួសារ
មានលទ្ធភាពប្រើប្រាស់សេវាផ្សេងៗរបស់ធនាគារអេស៊ីលីដា

លក្ខណៈពិសេស

ផ្តល់ជូនជាប្រាក់ដុល្លារអាមេរិក
អតិថិជនអាចទិញ ៖

រថយន្តថ្មី ឬរថយន្តប្រើប្រាស់រួចដែលបានបង់ពន្ធគយនាំចូល និងផលិតក្នុងអំឡុង ១៥ឆ្នាំមុនឆ្នាំបច្ចុប្បន្ន
រថយន្តប្រើប្រាស់រួច មានស្លាកលេខក្នុងស្រុក និងផលិតក្នុងអំឡុង ១០ឆ្នាំមុនឆ្នាំបច្ចុប្បន្ន

រយៈពេលខ្ចីឥណទានរហូតដល់ ៦០ខែ និងមិនត្រូវលើសពីអាយុចូលនិវត្តន៍ (សម្រាប់អតិថិជនជាកម្មករនិយោជិតនិយោជក) ឬមិនត្រូវលើសពីអាយុ ៦០ឆ្នាំ (សម្រាប់អតិថិជនទូទៅ)
លោកអ្នកអាចទទួលបានឥណទាន រហូតដល់ ១០០.០០០ដុល្លារអាមេរិក ៖

ផ្តល់ជូន ១០០% នៃតម្លៃរថយន្ត ករណីលោកអ្នកដាក់ដី ឬផ្ទះជាទ្រព្យធានា
ផ្តល់ជូន ៧០% នៃតម្លៃរថយន្ត ករណីលោកអ្នកដាក់រថយន្តដែលទិញជាទ្រព្យធានា (រថយន្តថ្មី ឬប្រើប្រាស់រួច ដែលបានបង់ពន្ធគយនាំចូល)
ផ្តល់ជូន ៥០% នៃតម្លៃរថយន្ត ករណីលោកអ្នកដាក់រថយន្តដែលទិញជាទ្រព្យធានា (រថយន្តប្រើប្រាស់រួច មានស្លាកលេខក្នុងស្រុក)

អត្រាការប្រាក់ ចាប់ពី ១១% ដល់ ១៨% ក្នុងមួយឆ្នាំ

លក្ខខណ្ឌតម្រូវ

ជានីតិជន
មានលំនៅដ្ឋានអចិន្ត្រៃយ៍ក្នុងតំបន់ប្រតិបត្តិការរបស់ធនាគារអេស៊ីលីដា ដោយមានបញ្ជាក់ពីអាជ្ញាធរនៅក្នុងតំបន់
មានកេរ្ត៍ឈ្មោះ អត្តចរិតល្អ និង ប្រវត្តិល្អ
មានមុខរបរ ប្រាក់បៀវត្សរ៍ ឬប្រភពចំណូលច្បាស់លាស់ និងមាននិរន្តរភាព ដែលបង្ហាញពីលទ្ធភាពអាចសងបំណុលបាន
អតិថិជនជាកម្មករនិយោជិតកំពុងបម្រើការងារជាមួយក្រុមហ៊ុន អង្គការ ឬស្ថាប័នផ្សេងៗ ត្រូវមានលិខិតបញ្ជាក់ ឬកិច្ចសន្យាការងារ
មានឯកសារកំណត់អត្តសញ្ញាណ ៖ អត្តសញ្ញាណប័ណ្ណ សៀវភៅគ្រួសារ សៀវភៅស្នាក់នៅ ឬឯកសារផ្សេងទៀតដែលអាចជំនួសបាន

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

ឥណទាន​រថយន្ត

អត្ថប្រយោជន៍

លក្ខណៈ​ពិសេស

លក្ខខណ្ឌ​តម្រូវ

ឥណទានរថយន្ត

លក្ខណៈពិសេស

លក្ខខណ្ឌតម្រូវ