លោក Albertus Bruggink, អភិបាល

គណៈកម្មាធិការក្រុមប្រឹក្សាភិបាល ៖ គណៈកម្មាធិការតែងតាំង និងលាភការ, គណៈកម្មាធិការគ្រប់គ្រងហានិភ័យ និងព័ត៌មានវិទ្យា

ជនជាតិហូឡង់ កើតក្នុងឆ្នាំ១៩៦៣ លោកបណ្ឌិត Albertus Bruggink បានចូលរួមក្នុងក្រុមប្រឹក្សាភិបាលនៅខែឧសភា ឆ្នាំ២០២១ ។

ក្រៅពីធនាគារ អេស៊ីលីដា បច្ចុប្បន្ន លោកបណ្ឌិតធ្វើជាទីប្រឹក្សាឯករាជ្យ នៅប្រទេសហូឡង់ និងធ្វើជាអ្នកប្រឹក្សាសាជីវកម្មរបស់ក្រុមហ៊ុន ORIX Corporation នៅតូក្យូ និងជាប្រធានគណៈកម្មាធិការសវនកម្ម នៃ ORIX Europe ។ លើសពីនេះទៀត លោកបានចូលរួមជាមួយក្រុមប្រឹក្សាភិបាលមូលនិធិ Westerbork Fund (ប្រទេសហូឡង់) ក្នុងខែមករា ឆ្នាំ២០២២ ។ លោកក៏បានបម្រើការងារនៅធនាគារ Rabobank អស់រយៈពេល៣០ឆ្នាំ ហើយលោកបានកាន់មុខតំណែងជាច្រើន ដូចជា ហិរញ្ញវត្ថុ គ្រប់គ្រងហានិភ័យ និងរតនាភិបាល ទីផ្សារមូលធន ទាំងក្នុងស្រុក និងអន្តរជាតិ ដែលក្នុងនោះលោកកាន់តួនាទីជាអភិបាលប្រតិបត្តិរយៈពេល១២ឆ្ន ាំ។ ក្នុងកំលុងពេលបម្រើការងារ លោកបណ្ឌិតជាសមាជិកក្រុមប្រឹក្សាភិបាលជាច្រើន នៅក្នុងប្រទេសហូឡង់ និងកាន់តំណែងជាប្រធានគណៈកម្មាធិការសវនកម្ម នៃក្រុមប្រឹក្សាភិបាលជាច្រើនអាណត្តិផងដែរ ។ លោកទទួលបានសញ្ញាបត្របរិញ្ញាបត្រជាន់ខ្ពស់ ជំនាញ គ្រប់គ្រងពាណិជ្ជកម្ម ពីសាកលវិទ្យាល័យ Twente នៅឆ្នាំ១៩៨៦ និងសញ្ញាបត្របណ្ឌិត ជំនាញវិស្វកម្មហិរញ្ញវត្ថុ ពីសាកលវិទ្យាល័យ Twente នៅឆ្នាំ១៩៨៩ ។ បច្ចុប្បន្ន លោកបណ្ឌិតគឺជាសាស្ត្រាចារ្យ ជំនាញវិស្វកម្មហិរញ្ញវត្ថុ និងគ្រប់គ្រងហានិភ័យ នៅសាកលវិទ្យាល័យ Twente ។

បន្ថែមលើនេះ លោកបណ្ឌិតក៏មានតួនាទីជាសមាជិកនៃក្រុមប្រឹក្សាភិបាលផ្តល់យោបល់របស់ Medisch Spectrum Twente (ហូឡង់), Ormat Technologies (សហរដ្ឋអាមេរិក), TFG and XAC Bank (ម៉ុងហ្គោលី) និង Gravis Capital Management (ចក្រភពអង់គ្លេស) ។