លោក កាយ ឡូត, អភិបាល

គណៈកម្មាធិការក្រុមប្រឹក្សាភិបាល ៖ គណៈកម្មាធិការគ្រប់គ្រងហានិភ័យ និងព័ត៌មានវិទ្យា

ជនជាតិខ្មែរ កើតក្នុងឆ្នាំ១៩៧០ លោក កាយ ឡូត បានចូលរួមក្នុងក្រុមប្រឹក្សាភិបាលនៅខែឧសភា ឆ្នាំ២០២១។ លោកជាសហគ្រិនម្នាក់ដែលមានបទពិសោធន៍ជាអ្នកគ្រប់គ្រងជាន់ខ្ពស់ ផ្នែកហិរញ្ញវត្ថុ ធនាគារ ផ្សព្វផ្សាយ និងទូរគមនាគមន៍។ កាលពីមុន លោកធ្លាប់បានបម្រើការជាអភិបាលឯករាជ្យ និងជាប្រធានគណៈកម្មាធិការសវនកម្ម របស់ស្ថាប័នមីក្រូហិរញ្ញវត្ថុទទួលប្រាក់បញ្ញើធំមួយនៅកម្ពុជា។

បច្ចុប្បន្ន លោកគឺជាប្រធានក្រុមប្រឹក្សាភិបាលរបស់ក្រុមហ៊ុនសិប្បករអង្គរ ដែលមានមូលដ្ឋាននៅខេត្តសៀមរាប និងជាម្ចាស់ភាគហ៊ុននៅក្នុងក្រុមហ៊ុនផ្សព្វផ្សាយឌីជីថល និងក្រុមហ៊ុនសំណង់។ លោកក៏ជាអភិបាលឯករាជ្យរបស់ក្រុមហ៊ុន BSP Finance Cambodia និង Digital Divide Data ដែលជាក្រុមហ៊ុនដែលមានលក្ខណៈសង្គម មានមូលដ្ឋាននៅទីក្រុងញូវយ៉ក។

លោកបានទទួលវិញ្ញាបនបត្រ IFRS ពី The Association of Chartered Certified Accountants (ACCA) និងសញ្ញាបត្រថ្នាក់អនុបណ្ឌិតពីសាលា Essec Business School ។ លោកក៏បានបញ្ចប់ការសិក្សាពីវិទ្យាស្ថានអូស្ត្រាលីសម្រាប់អភិបាលក្រុមហ៊ុន (GAICD)។