លោកស្រី ប៊ុត ប៊ុនសីហា
អនុប្រធាននាយកប្រតិបត្តិជាន់ខ្ពស់ និងជាគណៈប្រធាននាយិកាប្រតិបត្តិនីតិកម្ម និងលេខាធិការក្រុមហ៊ុន

ជនជាតិខ្មែរ កើតក្នុងខែសីហា ឆ្នាំ១៩៨០ និងបានបម្រើការនៅអេស៊ីលីដា ចាប់តាំងពីខែតុលា ឆ្នាំ២០០៧ ។ ក្នុងមុខតំណែងជាអនុប្រធាននាយកប្រតិបត្តិជាន់ខ្ពស់ និងជាគណៈប្រធាននាយិកាប្រតិបត្តិនីតិកម្ម និងលេខាធិការក្រុមហ៊ុន និងជាមន្រ្តីបង្ហាញព័ត៌មាន ។ លោកស្រីក៏ជាសមាជិកាគណៈកម្មាធិការប្រតិបត្តិ ទទួលបន្ទុកគ្រប់គ្រងផែនការយុទ្ធសាស្ត្ររួម និងប្រតិបត្តិការអាជីវកម្មប្រចាំថ្ងៃរបស់ធនាគារ ដោយអនុលោមទៅតាមបទបញ្ញត្តិ ព្រមទាំងទំនាក់ទំនងជាមួយភាគហ៊ុនិក និងក្រុមប្រឹក្សាភិបាល ។ លោកស្រីទទួលបន្ទុកគ្រប់គ្រងលើនាយកដ្ឋាននីតិកម្ម នាយកដ្ឋានលេខាធិការក្រុមហ៊ុន និងបង្ហាញព័ត៌មាន ការិយាល័យគ្រប់គ្រងវិវាទ និងការិយាល័យប្រឹក្សាបុត្រសម្ព័ន្ ធ។

លោកស្រីស្ថិតក្រោមការគ្រប់គ្រងផ្ទាល់ពីប្រធាននាយកប្រតិបត្តិ ។

លោកស្រី ជាសមាជិកក្រុមប្រឹក្សាភិបាល អេស៊ីលីដា ហ្វាយណាន់ហ្សល ត្រាស់ ។

លោកស្រីទទួលបានបរិញ្ញាបត្រជាន់ខ្ពស់ និងបរិញ្ញាបត្រផ្នែកច្បាប់ និងបានបញ្ចប់វគ្គសិក្សាស្តីពីច្បាប់អាជីវកម្មកម្ពុជា ពីវិទ្យាស្ថានខេមអេដ វគ្គសិក្សាលេខាធិកាក្រុមហ៊ុនពីប្រទេសសឹង្ហបុរី និងវគ្គសិក្សាភាពជាអ្នកដឹកនាំ និងការអនុវត្តយុទ្ធសាស្រ្តពី Harvard Business School និងបានបញ្ចប់ការសិក្សា អំពីអភិបាលក្រុមហ៊ុន ពីវិទ្យាស្ថានអូស្ត្រាលី សម្រាប់អភិបាលក្រុមហ៊ុន(GAICD) នៅប្រទេសអូស្ត្រាលី។