លោក មៀង តាយ
គណៈប្រធាន​នាយក​ប្រតិបត្តិ​ព័ត៌មាន​វិទ្យា

ជនជាតិខ្មែរ កើត​ក្នុង​ខែឧសភា ឆ្នាំ១៩៧៣។ លោក មៀង តាយ បាន​បម្រើ​ការងារ​ឱ្យ​អង្គការ-ស្ថាប័ន​ជា​ច្រើន រួមទាំង​ក្រសួងមហាផ្ទៃ មុនពេល​ចូល​បម្រើ​ការងារ​នៅ​អង្គការ​អេស៊ីលីដា។ លោក​បាន​ចូល​បម្រើការ​នៅ អង្គការ​អេស៊ីលីដា ជា​អ្នក​បង្កើត​កម្មវិធីកុំព្យូទ័រ។ លោក តាយ បាន​ចូល​បម្រើ​ការងារ​ពេញម៉ោង​នៅ​ធនាគារ អេស៊ីលីដា ក្នុង​ខែមិថុនា ឆ្នាំ១៩៩៩។ លោក​មាន​តួនាទី​ជា​អ្នកបង្កើត​កម្មវិធី​កុំព្យូទ័រ នាយកប្រតិបត្តិរង នាយកដ្ឋានព័ត៌មានវិទ្យា បន្ទាប់មក​បាន​តែងតាំង​ជា​នាយកប្រតិបត្ដិ​គ្រប់គ្រង​សេវាកម្ម​ផ្នែកទន់ ចាប់ពី​ខែធ្នូ ឆ្នាំ២០១៧ ដល់​ថ្ងៃទី១៤ ខែវិច្ឆិកា ឆ្នាំ២០២៥។ បន្ទាប់មក​លោក ត្រូវ​បាន​តែងតាំង​ជា គណៈប្រធាន​នាយកប្រតិបត្តិ​ព័ត៌មានវិទ្យា ដែល​មាន​ប្រសិទ្ធភាព​ចាប់ពី​ថ្ងៃទី១៥ ខែវិច្ឆិកា ឆ្នាំ២០២៥។ ក្នុង​តួនាទី​ជា​គណៈប្រធាន​នាយកប្រតិបត្តិ​ព័ត៌មានវិទ្យា លោក​ក៏​ធ្វើជា​ប្រធានគណៈកម្មាធិការ IT Steering ផង​ដែរ។ លោក​ទទួល​បន្ទុក​គ្រប់គ្រង​ដោយ​ផ្ទាល់​លើ​នាយកដ្ឋាន​ចំនួន៦ រួមទាំង​សន្តិសុខសាយប័រ ដែល​មានបុគ្គលិក​បច្ចេកទេស​សរុប​ជាង​៦០០នាក់ ទាំងក្នុង​ធនាគារ និង​ក្រុមហ៊ុនបុត្រសម្ព័ន្ធ។

លោក តាយ ទទួល​បាន​បរិញ្ញាបត្រ​ជំនាញ​វិទ្យាសាស្ត្រកុំព្យូទ័រ ពី​សាកលវិទ្យាល័យហាណូយ ប្រទេសវៀតណាម ព្រមទាំង​អនុបណ្ឌិត​ជំនាញ​បច្ចេកវិទ្យាព័ត៌មាន និង​ទូរគមនាគមន៍ ពី​សាកលវិទ្យាល័យ Utara Malaysia។ លោក​នៅតែ​ប្តេជ្ញា​បន្ត​ការសិក្សា និង​អភិវឌ្ឍ​ចំណេះ និង​ជំនាញ​របស់​លោក។