បណ្ឌិត ហេង ឌីណា, អភិបាល

គណៈ​កម្មាធិការ​ក្រុមប្រឹក្សា​ភិបាល ៖ គណៈកម្មាធិការ​គ្រប់គ្រងហានិភ័យ និង​ព័ត៌មានវិទ្យា

ជាជនជាតិខ្មែរ បណ្ឌិត ហេង ឌីណា បានចូលជាសមាជិកក្រុមប្រឹក្សាភិបាល នៅខែធ្នូ ឆ្នាំ២០២៣ និងមានបទពិសោធន៍ជាង១០ឆ្នាំ ជាអ្នកជំនាញផ្នែកហិរញ្ញវត្ថុ នៅស្ថាប័នហិរញ្ញវត្ថុសកល។ លោកបណ្ឌិតមានបទពិសោធន៍យ៉ាងទូលំទូលាយក្នុងការវិភាគហានិភ័យ និងការវាយតម្លៃផ្នែកហិរញ្ញវត្ថុ។ បណ្ឌិត ហេង ឌីណា ក៏ធ្លាប់បានដឹកនាំកម្មវិធីជំនួយបច្ចេកទេសជាច្រើនដល់ធនាគារកណ្តាល និងក្រសួងហិរញ្ញវត្ថុ នៅបណ្តាប្រទេសក្នុងទ្វីបអាស៊ី អាហ្វ្រិក និងអឺរ៉ុប។ បច្ចុប្បន្ន លោកបណ្ឌិត គឺជាអ្នកវិភាគសេដ្ឋកិច្ច នៅសហរដ្ឋអាមេរិក និងជាសមាជិកក្រុមប្រឹក្សាភិបាលសមាគមសេដ្ឋកិច្ចកម្ពុជា។

បណ្ឌិត ហេង ឌីណា បានបញ្ចប់កម្មវិធីគ្រប់គ្រងទ្រព្យសកម្ម និងផលបត្រ (Asset and Portfolio management Program) នៅសាលា Wharton និងកម្មវិធីវិនិយោគទីផ្សារឯកជន ក្នុងសាលាធុរកិច្ច Saïd នៃសាកលវិទ្យាល័យOxford។ លោកទទួលបានសញ្ញាបត្របណ្ឌិត ជំនាញសេដ្ឋកិច្ច នៅប្រទេសអូស្ត្រាលី និងទទួលបានសញ្ញាបត្របរិញ្ញាបត្រជាន់ខ្ពស់ ជំនាញសេដ្ឋកិច្ច នៅប្រទេសជប៉ុន។ លោកបានបញ្ចប់វគ្គសិក្សាពីវិទ្យាស្ថានអូស្ត្រាលី សម្រាប់អភិបាលក្រុមហ៊ុន (GAICD)។